საქართველოს იუსტიციის უმაღლესმა საბჭომ 07 ივნისს, საკუთარ ვებ-გვერდზე გამოაქვეყნა უზენაესი სასამართლოს მოსამართლეობის კანდიდატთა სია და კანდიდატთა ბიოგრაფიები.
პროფესორ გიორგი თუმანიშვილის თქმით, ,,მრავალი წლის განმავლობაში, მოსამართლეთა შერჩევა ხორციელდებოდა ყოვლად არაგამჭვირვალე სისტემით, რომლის მიხედვითაც იუსტიციის უმაღლეს საბჭოს არ ჰქონდა ვალდებულება დაესაბუთებინა თუ რატომ არჩევს ამა თუ იმ კონკრეტულ პირს და რომელი კრიტერიუმით ან რამდენი ქულით აღმოჩნდა ეს პირი სხვაზე წარმატებული’’.
იმისათვის, რომ იუსტიციის უმაღლეს საბჭოს არ ჰქონდეს შესაძლებლობა ყოვლად სუბიექტურად, ყოველგვარი დასაბუთების გარეშე დაასახელოს მისთვის ხელსაყრელი ადამიანები, პროფესორმა თუმანიშვილმა შექმნა ხელოვნური ინტელექტი, რომელმაც შეისწავლა კანდიდატები, მათი ბიოგრაფიები და ყველა ის დოკუმენტი, რომელიც ხელმისაწვდომია ინტერნეტში. ცდომილება მოპოვებულ და დამუშავებულ მონაცემებს შორის თუმანიშვილის მტკიცებით მინიმალურია და დაკავშირებულია ინფორმაციის არარსებობასთან ინტერნეტში, ან ამ ინფორმაციის არსებობასთან იმ ფორმით, რომელიც არააღქმადია ალგორითმისთვის, მაგალითად ტექსტის სურათი.
იმ შემთხვევაში თუ ნებისმიერი პირი აღმოაჩენს რაიმე უზუსტობას, თუმანიშვილმა საზოგადოებას თხოვა რომ აცნობონ ამის შესახებ პირადად და იგი შეიტანს შესაბამის ცვლილებებს.
პროფესორმა გაასაჯაროვა ფაილები, რომლებშიც თითოეული კრიტერიუმის მიხედვით განსაზღვრულია შესაბამისი შეფასებები. ,,ნებისმიერ მსურველს შეუძლია გაეცნოს ფაილს და თავად, დამოუკიდებლად განახორციელოს კალკულაციები.’’ წერს თუმანიშვილი.
დამატებითი ინფორმაცია მისაწვდომია აქ:
ფაილი დამუშავებული მონაცემებით იხილეთ აქ:
