ირაკლი კობახიძე „იმედის“ პირდაპირ ეთერში აცხადებს, რომ დღეს პარლამენტში რაც მოხდა, მიკრომენეჯმენტის ხარვეზია. პარლამენტის თავმჯდომარემ მყისიერი რეაგირებისთვის მადლობა გადაუხადა ხელისუფლებას, ოპოზიციასა და საზოგადოებას.
პარლამენტის თავმჯდომარემ შეკითხვას მისი გადადგომის მოთხოვნის შესახებ ასე უპასუხა:
„ამ გაგრძელებას ვერ ექნება ცალსახა შეფასება, უნდა გავიდეს გარკვეული დრო და მერე შეფასდეს. მე ამასთან დაკავშირებით შემიძლია ცალსახად ვთქვა, რომ სერიოზულ კომენტარს ვერ გავაკეთებ მათ მოთხოვნაზე“, - განაცხადა კობახიძემ.
პარლამენტთან მოქალაქეები რუსეთის დუმის დეპუტატის სერგეი გავრილოვის საკანონმდებლო ორგანოს ტრიბუნაზე გამოჩენას აპროტესტებენ. ხალხის სიმრავლის გამო რუსთაველის გამზირი გადაკეტილია.
ოპოზიციური პარტიების ლიდერები ირაკლი კობახიძის, გიორგი გახარიას და ვახტანგ გომელაურის თანამდებობიდან გადადგომას მოითხოვენ, წინააღმდეგ შემთხვევაში სამოქალაქო დაუმორჩილებლობას აანონსებენ.
