პრემიერ-მინისტრი მამუკა ბახტაძე პარლამენტში მივიდა. პარლამენტში მასთან ერთად იმყოფება შინაგან საქმეთა მინისტრი გიორგი გახარიაც.
პარლამენტის წინ მიმდინარე აქციის მონაწილეები პარლამენტის შენობაში შესვლას ცდილობდნენ. ადგილზე მობილიზებულია ბევრი პოლიციელი და ასევე სპეცრაზმი.
პარლამენტთან მოქალაქეები რუსეთის დუმის დეპუტატის სერგეი გავრილოვის საკანონმდებლო ორგანოს ტრიბუნაზე გამოჩენას აპროტესტებენ. ხალხის სიმრავლის გამო რუსთაველის გამზირი გადაკეტილია.
ოპოზიციური პარტიების ლიდერები ირაკლი კობახიძის, გიორგი გახარიას და ვახტანგ გომელაურის თანამდებობიდან გადადგომას მოითხოვენ, წინააღმდეგ შემთხვევაში სამოქალაქო დაუმორჩილებლობას აანონსებენ.
ირაკლი კობახიძემ მისი გადადგომის საკითხზე განაცხადა, რომ ამაზე სერიოზულ კომენტარს ვერ გააკეთებს.
