ჯანდაცვის მინისტრის მოადგილის ზაზა ბოხუას თქმით, პარლამენტთან 20 ივნისს გამართულ აქციაზე 240 ადამიანი დაშავდა, აქედან 102 პაციენტი კლინიკებში რჩება. ბოხუას ინფორმაციით, ერთი დაშავებულის ჯანმრთელობის მდგომარეობა სტაბილურად მძიმეა. 

„მთლიანად სტაციონარებში 240 პაციენტი იყო მიყვანილი, აქედან 80 პოლიციელია. ამ წუთებში მიმდინარეობს ორი ოპერაცია. ერთი პაციენტის მდგომარეობა რჩება სტაბილურად მძიმე. დანარჩენ შემთხვევაში, პაციენტებს უტარდებათ ყველანაირი გამოკვლევა. ამჟამად 102 პაციენტი არის ჰოსპიტალიზებული და იმყოფება სხვადასხვა სტაციონარში. უმეტეს შემთხვევაში იყო ტრავმა, დაჟეჟილობა, დაბეჟილობა და თვალის ტრავმა“, - განუცხადა ზაზა ბოხუამ ჟურნალისტებს.