რუსეთის სახელმწიფო დუმამ „საქართველოში ანტირუსულ პროვოკაციებთან დაკავშირებით შესაძლო დამატებით ეკონომიკურ ზომების შემოღების შესახებ“ დადგენილებას მხარი ერთხმად დაუჭირა. ინფორმაცია რუსეთის საკანონმდებლო ორგანოს ვებგვერდზე გამოქვეყნდა.
საქართველოს წინააღმდეგ ეკონომიკური ზომების მიღების მომხრე კანონმდებლებმა, რეკომენდაცია მისცეს მთავრობას, განიხილოს საქართველოს წინააღმდეგ სპეციალური ეკონომიკური ზომების მიღების მიზანშეწონილობა და შესაბამისი წინადადებები წარუდგინოს რუსეთის პრეზიდენტს.
დოკუმენტი, რომელიც დუმის დსთ-ს საკითხთა კომიტეტის მიერაა მომზადებული, ითვალისწინებს რუსეთში ქართული ღვინისა და მინერალური წყლების იმპორტის აკრძალვას. ასევე რუსეთიდან საქართველოში ფულადი გზავნილების შეჩერებას.
