საქართველოს გენერალურმა პროკურატურამ მამუკა ხაზარაძის და ბადრი ჯაფარიძის საქმეზე თბილისის საქალაქო სასამართლოს აღკვეთის ღონისძიების შეფარდების შუამდგომლობით მიმართა.

როგორც „ლიბერალს“ მთავარი პროკურატურიდან აცნობეს, შუამდგომლობა ამ დილით შეიტანეს და შესაბამისად სასამართლოს პროცესის ჩატარების ბოლო ვადად ხვალინდელი დღე აქვს განსაზღვრული.

პროკურატურა ამ ეტაპზე არ აკონკრეტებს, "თიბისი ბანკის" დამფუძნებლების მიმართ აღმკვეთი ღონისძიების რა ფორმას მოითხოვენ: პატიმრობას, თუ გირაოს?

მამუკა ხაზარაძეს და ბადრი ჯაფარიძეს 24 ივლისს ბრალი წარედგინათ ჯგუფურად, 16 664 000 ამერიკული დოლარის უკანონო შემოსავლის ლეგალიზაციის ფაქტზე, რასაც თან ახლდა განსაკუთრებით დიდი ოდენობით შემოსავლის მიღება (დანაშაული გათვალისწინებული საქართველოს სისხლის სამართლის კოდექსის 194 მუხლის მე-2 ნაწილის ,,ა“ და მე-3 ნაწილის „გ“ ქვეპუნქტით).