იუსტიციის მინისტრის თეა წულუკიანის თქმით, კარგია, რომ პარლამენტმა პროპორციულ საარჩევნო სისტემას მხარი არ დაუჭირა. მინისტრი ამბობს, რომ მაჟორიტარული საარჩევნო სისტემა ხალხს სჭირდება და თავადაც როგორც ყოფილი მაჟორიტარი, შერეულ საარჩევნო სისტემას მხარს უჭერს.
„ძალიან კარგია, რომ ნულოვანი ბარიერის პირობების პროპორციული მოდელი არ შემოვიდა ჩვენს ქვეყანაში. მე, როგორც ყოფილი მაჟორიტარი, ვრჩები იმ აზრზე, რომელ აზრზეც ყოველთვის ვიყავი. მაჟორიტარული სისტემა არის ის, რაც სჭირდება ხალხს, იმისთვის, რომ პრობლემების მომგვარებელი არსებობდეს და ეს სისტემა უნდა შენარჩუნდეს.
ის, რომ ეს მოდელი ვერ შემოვიდა, ეს არის გარანტია იმის, რომ 2020-ის არჩევნების შედეგად მივიღებთ იმ მმართველ ძალას, რომელსაც აირჩევს ხალხი და ქვეყანაში იქნება სტაბილურობა“,- განაცხადა თეა წულუკიანმა.
