პარლამენტში სესიაზე სიტყვით გამოსვლისას დეპუტატმა და მმართველი გუნდის წევრმა ირაკლი კობახიძემ იმედი გამოთქვა, რომ მომავალი მოწვევის პარლამენტში „ნაციონალური მოძრაობის“ ნაცვლად კვალიფიციური და კეთილსინდისიერი პოლიტიკური პარტიები დაიკავებენ ადგილს. კობახიძემ ასევე მადლობა იმ სამართალდამცველებსაც გადაუხადა, რომლებმაც ამ დღეებში სახელმწიფო ძლიერ და ჰუმანურად წარმოაჩინეს.
„ჩვენ ბუნეებრივია, რომ „ნაციოანალების“ დღის წესრიგით ვერ ვიცხოვრებთ. სახელმწიფო იმოქმედებს ისე, როგორც უნდა მოქმედებდეს სახელმწიფო და ხელისუფლებაც იმოქმედებს ისე, როგორც მართებს ხელისუფლებას მოქმედება.
აქვე მადლობა განსაკუთრებულად სამართალდამცავ ორგანოებს მინდა გადაუვხადო, რომლებმაც ამ დღეებში შეძელს, რომ სახელმწიფო ჰუმანურ და ძლიერ სახელმწიფოდ წარმოაჩინეს. მარგინალური და დესტრუქციული ოპოზიციის სრული მარგინალიზაციის პროცესი დაიწყო. დარწმუნებული ვარ, რომ ეს პროცესი საბოლოოდ პოლიტიკური სისტემის გაჯანსაღებით დასრულდება და დასრულდება ეროვნულ და დასავლურ ღირებულებებზე დაფუძნებული ოპოზიციის ჩამოყალიბებით.
მე მინდა საზოგადოებას გადავუხადო მადლობა, რომელიც სწორად აფასებს მოვლენებს, სწორად ხედავს ყველაფერს. სწორედ ეს არის მთავარი გარანტია იმისა, რომ ჩვენი ქვეყნის შეუქცევადი განვითარების პროცესი აუცილებლად გაგრძელდება“, - განაცხადა კობახიძემ.
