თბილისის მერის კახა კალაძის განცხადებით, 2020 წელს თბილისში გზების რეაბილიტაცია და ახალი გზების მშენებლობა გაგრძელდება.
„2020 წლის განმავლობაში ისეთივე მასშტაბის რეაბილიტაცია განხორციელდება რამდენიმე ქუჩაზე, როგორიც ჭავჭავაძის გამზირზე მიმდინარეობს. ეს ქუჩებია: წერეთლის გამზირი, ვაჟა-ფშაველასა და ქეთევან წამებულის გამზირები.
2020 წლის მერიის ბიუჯეტის არსებული პროექტით, შემდეგი წლის ბიუჯეტი და 2020 წლის განმავლობაში განსახორციელებელი მთლიანი პროექტების ჯამით, დაახლოებით მილიარდ 300 მილიონს შეადგენს“, - ამბობს კალაძე.
როგორ კალაძემ მთავრობის დღევანდელ სხდომაზე განაცხადა, წლის ბოლოსკენ დაიწყება უნივერსიტეტის მაღლივი კორპუსიდან წყნეთის გზატკეცილამდე დამაკავშირებელი გზის მშენებლობა. დასრულდება ჭავჭავაძის, ხიზანიშვილისა და ვეკუას ქუჩების სრული რეაბილიტაცია. ასევე დასრულდება გუდიაშვილის მოედნის რეაბილიტაცია.
