არიზონელმა დიზაინერმა ლინ ფიშერმა აამუშავა სერვისი Nestflix - Netflix-ის ანალოგი რეალურ ფილმებსა და სერიალებში ნახსენები არარსებული ფილმების და სერიალების შესახებ.

სერვისი მართლაც ძალიან ჰგავს Netflix-ს: აქ არის სრულფასოვანი კატალოგი, ბიბლიოთეკის საძიებო სისტემა, ანოტაციები მსახიობების სიებით და საკუთარი სარეკომენდაციო სისტემა. შესაძლებელია იმის გაგებაც, თუ სად ახსენეს პირველად ესა თუ ის არარსებული ფილმი ან სერიალი.

სიაშია, მაგალითად, დრამა „Simple Jack“ კომედიიდან „Tropic Thunder“, განგსტერული ბლოკბასტერი „Angels with Even Filthier Souls“ ფილმიდან „Home Alone“ და ჯაშუშური ტრილერი „Threat Level Midnight“ სერიალიდან „Office“, რომელშიც მაიკლ სკოტი მონაწილეობს.

ერთადერთი სხვაობა Nestflix-სთან ისაა, რომ რესურსზე მხოლოდ „სკრიშოტებია“ და მეტი არაფერი.