გარდაიცვალა მსოფლიოს და ევროპის ჩემპიონი, ევროპის ჩემპიონატთა თასის სამგზის მფლობელი, გერმანული და მსოფლიო ფეხბურთის ისტორიაში ერთ-ერთი საუკეთესო ფეხბურთელი გერდ მიულერი. ის 75 წლის იყო.
ინფორმაცია საფეხბურთო კლუბმა „ბავარიამ“ გაავრცელა.
გერდ მიულერი ბავარიის შემადგენლობაში 1964-1979 წლებში თამაშობდა. გუნდის შემადგენლობაში მან 607 ოფიციალურ მატჩში 566 გოლი გაიტანა. ბუნდესლიგაში მიულერმა რეკორდული 365 გოლი გაიტანა და შვიდჯერ გახდა გერმანიის ჩემპიონატის საუკეთესო ბომბარდირი.
გერმანიის ნაკრების შემადგენლობაში მიულერი მსოფლიოს და ევროპის ჩემპიონი გახდა. ის ეროვნული ნაკრების 62 მატჩში მონაწილეობდა და 68 გოლი გაიტანა. 1974 წლის მსოფლიო ჩემპიონატის ფინალში მიუნჰენში მან ნიდერლანდის გუნდის კარში გადამწვეტი, გამარჯვების გოლი გაიტანა.
