სახალხო დამცველის აპარატის ინფორმაციით, წინასწარ პატიმრობაში მყოფი, დავით აკობია და ბორის ფარულავა სასჯელაღსრულების სისტემის არც-ერთ დაწესებულებაში იმყოფებიან.
სახალხო დამცველის აპარატს დაკავებული დავით აკობიას და ბორის ფარულავას ადვოკატები სალომე აბულაძე და მამუკა ნოზაძე დაუკავშირდნენ. როგორც ადვოკატებმა განაცხადეს, ისინი ვერ ახერხებენ მათი დაცვის ქვეშ მყოფთა ადგილსამყოფელის დადგენას.
სახალხო დამცველის აპარატი მოუწოდებს შინაგან საქმეთა სამინისტროს, დაუყოვნებლივ მიაწოდოს ინფორმაცია ადვოკატებს დავით აკობიას და ბორის ფარულავას ადგილსამყოფელის შესახებ, რათა აღნიშნულ პირებს არ დაერღვეთ კანონით მინიჭებული დაცვის უფლება.
