"ქართული ოცნების" ცენტრალურ შტაბთან კოალიციის მხარდამჭერებმა შეკრება 20:00 საათისთვის დაიწყეს. ტელეკომპანია "მაესტროს" ეთერში ეგზიტპოლების პირველი შედეგები შეკრებილებმა ტაშითა და ოვაციებით აღნიშნეს. ამის შემდეგ კოალიციის ლიდერები ხალხთან გავიდნენ, მხარდამჭერები მათ შეძახილებითა და მილოცვებით ხვდებოდნენ. ბიძინა ივანიშვილმა სიტყვით გამოსვლისას საქართველოს ყველა მოქალაქეს გამარჯვება მიულოცა.
