ტრიუფანტმა ჰუგო ჩავესმა თავისი გამარჯვება იზეიმა ვენესუელის საპრეზიდენტო არჩევნებზე. მან ხელი გაუწოდა ოპოზიციას და ერთიანობისკენ მოუწოდა. ჩავესმა მირაფლორესის საპრეზიდენტო რეზიდენციის აივნიდან მიმართა თავის მხარდამჭერებს, იმღერა ქვეყნის ეროვნული ჰიმნი და მოსახლეობას დაპირდა, რომ ის ენრიკე კაპრილესის დამარცხების შემდეგ უკეთესი პრეზიდენტი იქნება.

„სიცოცხლე ვენესუელას! სიცოცხლე სამშობლოს! ბრძოლა და გამარჯვება იყო შესანიშნავი“ განაცხადა მემარცხენე პრეზიდენტმა, რომელმაც თავის 14 წლიანი პრეზიდენტობის შემდეგ კიდევ ექვსი წლით გაიხანგრძლივა ქვეყნის სათავეში ყოფნის ვადა.
„ვენესუელა გააგრძელებს თავის მარშს 21-ე საუკუნის დემოკრატიული სოციალიზმისკენ. მე ვიქნები უკეთესი პრეზიდენტი, ვიდრე ვიყავი წინა წლებში“
ბიულეტენების 90%-ის დათვლის შედეგად, 58 წლის ჰუგო ჩავესი 54.42 %-ით ლიდერობს, ხოლო მის მეტოქეს, ოპოზიციონერ კაპრლესს 44.97% აქვს.

ნაციონალური საარჩევნო კომისიის პრეზიდენტის განცხადებით, 81% იყო არჩევნებზე აქტივობა, რაც დაახლოებით 19 მილიონ ამომრჩეველს უდრის. ვენესუელაში მსგავსი აქტივობა იშვიათია.