კორუფციის აღქმის 2012 წლის ინდექსით საქართველო 51-ე ადგილზეა. კვლევა “საერთაშორისო გამჭვირვალობამ” ჩაატარა და მასში 176 ქვეყანა მოხვდა. რეიტინგი მოქალაქეების გამოკითხვისა და რამდენიმე სხვა კვლევის საფუძველზე შედგა.

ქვეყნების 2/3-ს 50 ქულაზე დაბალი მაჩვენებელი აქვს, რაც იმას ნიშნავს, რომ ამ ქვეყნებში კორიფციის კუთხით პრობლემები არსებობს. ქვეყნებში, რომლებმაც 50-დან 100 ქულამდე დააგროვეს, კორუფციის მხრივ კარგი მდგომარეობაა.

რეიტინგში 52 ქულით 51-ე ადგილზე საქართველო და სეიშელის კუნძულები მოხვდნენ.

რაც შეეხება მეზობელ ქვეყნებს, რეიტინგში 28 ქულით 133-ე ადგილზეა რუსეთი, 105-ზე - სომხეთი 34 ქულით, 139 ადგილზე 27 ქულით - აზერბაიჯანი.

კორუფციის კუთხით საუკეთესო მაჩვენებლები აქვთ: დანიას, ახალ ზელანდიას, შვედეთს, სინგაპურს, შვეიცარიას, ავსტრალიას, ნორვეგიას, კანადასა და ნიდერლანდებს.

რეიტინგში ბოლო ადგილი მიანმამ, ჩრდილოეთ კოერამ, სომალიმ და ავრანეთმა დაიკავეს.