ვენესუელას 52-ე პრეზიდენტი უგო ჩავესი 58 წლის ასაკში სიმსივნით გარდაიცვალა.
„XXI საუკუნის სოციალისტის და ამერიკის შეერთებული შტატების მტრის გარდაცვალების შესახებ ოფიციალური ცნობა 5 მარტს, ქვეყნის ვიცე-პრეზიდენტმა, ნიკოლას მადურომ გაავრცელა. მადურომ საზოგადოებას მეტი ერთიანობისკენ მოუწოდა.
ქვეყნის პირველი პირის გარდაცვალებასთან დაკავშირებით, ვენესუელაში გლოვაა გამოცხადებული, საპრეზიდენტო არჩევნები კი 30 დღის შემდეგ ჩატარდება.
უგო ჩავესმა ვენესუელას პრეზიდენტის პოსტი 1999 წელს დაიკავა, სწორედ ამ წლიდან იწყება ახალი ერა ქვეყნის პოლიტიკურ და საერთაშორისო ურთიერთობებში.
