პარლამენტის თავმჯდომარე, დავით უსუფაშვილმა, ჟურნალისტებთან შეხვედრისას შრომის კოდექსში შესატან ცვლილებებზეც ისაუბრა. მისი განცხადებით, პარლამენტმა კანონპროექტი პირველი მოსმენით მიიღო, თუმცა აღინიშნა, რომ რამდენიმე საკითხი დაინტერესებულ მხარეებთან იყო შესათანხმებელი. ამასთან დაკავშირებით რამდენიმე შეხვედრა გაიმართა.
უსუფაშვილი მიიჩნევს, რომ კანონპროექტის გარშემო დროდადრო ატეხილი აჟიოტაჟი უსაფუძვლოა, რადგან იგი ახლოა საერთაშორისოდ აღიარებულ მოდლეთან: „ძალიან დისკრიმინაციული შრომის კოდექსი გვქონდა. ახლა კი ყველაზე ახლო ვართ იმ მოდელთან, რომლითაც ორივე მხარე, დამსაქმებელი და დასაქმებული, თანაბარ პირობებში იქნებიან. გასათვალისწინებელია ისიც, რომ ყველა ყოველთვის კმაყოფილი ვერ იქნება,“- განაცხადა უსუფაშვილმა.
პარლამენტის თავმჯდომარის განცხადებით, კანონპროექტში კონკრეტული სფეროების სპეციფიკაცაა გათვალისწინებული: „მაგალითად, თქვენ, ჟურნალისტებს ისეთი სამუშაო გაქვთ, თქვენი სამუშაო დღე ექვსს საათზე ვერ დამთავრდება და შეიძლება, ღამის ორ საათამდეც მოგიწიოთ მუშაობა. ეს კი თქვენს ხელფასზე უნდა აისახოს ან მეორე დღეს ნაკლები უნდა იმუშაოთ.“
