პარლამენტის პლენალურ სხდომაზე დღეს იუსტიციის უმაღლესი საბჭოში არამოსამართლე  წევრების დამტკიცების საკითხი გადის. პარლამენტი ასევე ამტკიცებს საერთო სასამართლოების მოსამართლეთა სადისციპლინო კოლეგიის ორ წევრს. 
იუსტიციის უმაღლეს საბჭოში 6 ადგილზე 35 კანდიდატურა შეირჩა, ხოლო კოლეგიაში 2 ადგილზე - 5 კანდიდატურა. 
ეს იუსტიციის საბჭოს ის კანდიდატები არიან, რომლებიც იურიდიული პროფილის ორგანიზაციების უმაღლესი სასწავლებლებისა და არასამთავრობო სექტორის მხრიდან დასახელდა. 
პარლამენტი იუსტიციის უმაღლესი საბჭოს წევრებს ახალი წესით დაამტკიცებს. 
მათ ასარჩევად პირველ ტურში საჭიროა 2/3 ქვორუმი, თუ კანდიდატები ამ რაოდენობის ხმას ვერ მიიღებენ, ტარდება მეორე ტური, სადაც ხმათა უმრავლესობით შესაძლებელია 4 წევრის დამტკიცება, თუმცა იუსტიციის უმაღლეს საბჭოში პარლამენტის მხრიდან შერჩეული ორი კანდიდატი 2/3 ქვორუმით უნდა იყოს აუცილებლად დამტკიცებული.

მოსამართლეთა კონფერენცია, რომელიც სასამართლო ხელისუფლების თვითმმართველი ორგანოა, 9 ივნისს საკუთარი რიგებიდან შვიდი წევრი აირჩია იუსტიციის უმაღლეს საბჭოში - ორგანოში, რომელიც  სასამართლო სისტემას კურირებს და მოსამართლეების დანიშნვის და გათავისუფლების, ასევე მოსამართლეების წინააღმდეგ დისციპლინარული დევნის უფლებამოსილება გააჩნია.