დღეს საქართველოს პარლამენტმა იუსტიციის უმაღლესი საბჭოს არამოსამართლე წევრობის კანდიდატები აირჩია. თუმცა ეს პროცესი უმცირესობის მონაწილეობის გარეშე წარიმართა.
როგორც "ლიბერალის" კორესპონდენტი პარლამენტიდან იუწყება, უმცირესობის წევრებმა თავიანთი 10 კანდიდატის წარდგენა მოითხოვეს, საიდანაც შემდეგ ორს აირჩევდნენ საბჭოს წევრად. თუმცა იმის გამო, რომ უმრავლესობა მოლაპარაკებას არ დათანხმდა და არც დათმობაზე წავიდა, უმცირესობამ სხდომა დატოვა.
პარლამენტი იუსტიციის უმაღლესი საბჭოს ოთხ არამოსამართლე წევრს პარასკევს აირჩევს.
