საქართველოს შინაგან საქმეთა მინისტრი, ირაკლი ღარიბაშვილი დღეს დიპლომატიურ კორპუსს შეხვდა. შეხვედრას არ ესწრებოდა აშშ-ს ელჩი, რიჩარდ ნორლანდი.
ამ ფაქტთან დაკავშირებით, რომელსაც დისკუსია მოჰყვა, აშშ-ს საელჩო განმარტებას აკეთებს. საელჩოს ინფორმაციით, "ელჩი არ იყო შეხვედრაზე, რადგან ამ დროს მას სხვა შეხვედრა ჰქონდა დანიშნული. თუმცა, შეხვედრას ესწრებოდა საელჩოს სამი მაღალი რანგის თანამშრომელი, მათ შორის, მრჩეველი საერთაშორისო სამართალდამცავ სტრუქტურებთან დაკავშირებულ საკითხებში".
მინისტრთან შეხვედრას საქართველოში აკრედიტებული კორპუსის 50-მდე წარმომადგენელი ესწრებოდა, მათ შორის, ევროკავშირის ელჩი ფილიპ დიმიტროვი, ასევე ლატვიის, იტალიისა და ჰოლანდიის ელჩები.
