რუსუდან კერვალიშვილს ბრალი იმ დანაშაულთათვის წარედგინა, რაც საქართველოს სისხლის სამართლის კოდექსის 180-ე მუხლის მე-2 ნაწილის „ა“ და მე-3 ნაწილის „ბ“ ქვეპუნქტებითაა გათვალისწინებული. აღნიშნული მუხლი ჯგუფის მიერ წინასწარი შეთანხმებით მრავალგზის თაღლითობას გულისხმობს. ასევე 182-ე მუხლის მე-2 ნაწილის „ა“ და მე-3 ნაწილის „ბ“ ქვეპუნქტებით, რაც გულისხმობს დიდი ოდენობით თანხის მითვისებას. ამავე მუხლებით ბრალი მაია რჩეულიშვილსაც წარდეგინა.

ბრალი საქართველოს სისხლის სამართლის კოდექსის 25 ,180-ე მუხლის მე-2 ნაწილის „ა“ და მე-3 ნაწილის „ა“ და „ბ“ ქვეპუნქტებით ივანე ცაგურიასაც წარედგინა, რაც სამსახურეობრივი მდგომარეობის გამოყენებით თაღლითობაში დახმარებას გულისხმობს. ცაგურიას ასევე ბრალად ედება 182-ე მუხლის მე-2 ნაწილის „დ“ და მე-3 ნაწილის „ბ“ ქვეპუნქტებით სამსახურებრივი მდგომარეობის გამოყენებით დიდი ოდენობით ფულის გაფლანგვაში.

გამოძიების მოთხოვნით დაყადაღებულია „ცენტრ პოინტი ჯგუფი“-ს და მასთან დაკავშირებული ფიზიკური პირების და კომპანიების არაერთი უძრავი ქონება, ასევე შპს „დექსუსი“-ს და მასთან დაკავშირებული კომპანიის შპს „ალიანს კაპიტალი“-ს საკუთრებაში რიცხული არაერთი უძრავი ქონება.