პროკურატურამ სასამართლოში "ცენტრ პოინტი ჯგუფის" დამფუძნებლების, რუსუდან კერვალიშვილისა და მაია რჩეულიშვილისთვის აღმკვეთი ღონისძიების შეფარდების შუამდგომლობა უკვე შეიტანა. როგორც ივანე ცაგურიას ადვოკატმა ტელეკომპანია „რუსთავი 2-ს“ განუცხადა, პროკურატურამ მაია რჩეულიშვილის და რუსუდან კერვალიშვილის მიმართ აღმკვეთი ღონისძიების სახით გირაო მოითხოვა.
სასამართლომ აღმკვეთი ღონისძიების საკითხზე დღეს უნდა იმსჯელოს.
აღსანიშნავია, რომ თბილისის პროკურატურაში გუშინ გვიან ღამემდე გაგრძელდა რუსუდან კერვალიშვილის დაკითხვა.
პროკურატურა მაია რჩეულიშვილსა და რუსუდან კერვალიშვილს დიდი ოდენობით თანხმების მითვისებაში ედავება. ამ საქმეზე 11 ივლისს კომპანია "დექსუსის" დამფუძნებელი ივანე ცაგურია დააკავეს.
