დღეს ბათუმის საქალაქო სასამართლომ სულ 16 დაკავებულის საქმეზე იმსჯელა.
9 მათგანზე საქმის განხილვა გადაიდო (მათ შორის, 3 არასრულწლოვანზე). ისინი ადმინისტრაციული დაკავებიდან გაათავისუფლეს.
7 დაკავებულს კი 5-დღიანი ადმინისტრაციული პატიმრობა დაეკისრა.
წუხელ ბათუმში მომხდარ მოვლენებთან დაკავშირებით შსს-მ გამოძიება სისხლის სამართლის კოდექსის 225-ე და 353-ე მუხლით დაიწყო. 225-ე მუხლი ჯგუფური ძალადობის ორგანიზებას, ხელმძღვანელობას ან მასში მონაწილეობას გულისხმობს, 353-ე მუხლი კი - წინააღმდეგობას, მუქარას ან ძალადობას საზოგადოებრივი წესრიგის დამცველის ან ხელისუფლების სხვა წარმომადგენლის მიმართ.