შინაგან საქმეთა მინისტრმა გიორგი გახარიამ პარლამენტში გამოსვლისას სამინისტროს მიერ დაგეგმილ საკანონმდებლო ინიციატივებზეც ისაუბრა. მისი თქმით, შემაკავებელი ორდერის დარღვევის გამო ადმინისტრაციული პასუხისმგებლობის ნაცვლად სისხლისსამართლებრივი პასუხისმგებლობა დაწესდება.
“მინდა გითხრათ რამდენიმე უახლოესი ინიციატივა, ოჯახში ძალადობის განმეორებით ჩადენისთვის პასუხისმგებლობა გამკაცრდება, რაც უახლოეს პერიოდში განხორციელდება. შემაკავებელი ორდერის დარღვევის გამო ადმინისტრაციული პასუხისმგებლობის ნაცვლად სისხლის სამართლებრივი პასუხისმგებლობა დაწესდება, იმიტომ რომ ეს არის პრინციპულად მნიშვნელოვანი საკითხი. ასევე იქნება ცივი იარაღის ნაწილშიც“ - განაცხადა გიორგი გახარიამ.
ამ და სხვა ინიციატივების შესახებ შსს-ს ადამიანის უფლებათა დაცვის დეპარტამენტის ხელმძღვანელმა ლონდა თოლორაიამ რამდენიმე კვირის წინ „ლიბერალთან“ ინტერვიუში ისაუბრა.