იუსტიციის მინისტრობის კანდიდატმა, თეა წულუკიანმა, პარლამენტში სამინისტროდან გათავისუფლებული მოქალაქეების - თამაზ ახობაძისა და ანი სუბელიანის შესახებ ისაუბრა.
„ერთ-ერთი კითხვის ავტორს, ბევრჯერ გავეცი პასუხი, მაგრამ, როგორც ჩანს, მემორიალზე ცეკვავდა და არ ეცალა და არ მომისმინა. ამიტომ, გასაგებად ვამბობ კიდევ ერთხელ: ცრუ არის იმის მტკიცება, რომ იუსტიციის სამინისტრო ძალაში შესულ გადაწყვეტილებებს არ ასრულებს", - აცხადებს თეა წულუკიანი.
წულუკიანის გამოსვლას განცხადების ადრესატების პროტესტი მოჰყვა, რის შემდეგაც ისინი მანდატურმა დარბაზიდან გაიყვანა.
კომიტეტების გაერთიანებულ სხდომაზე, რომელზეც თეა წულუკიანის მოსმენა მიმდინარეობდა, თამაზ ახობაძესა და ანა სუბელიანს მინისტრობის კანდიდატისთვის შეკითხვის დასმის შესაძლებლობა იურიდიულ საკითხთა კომიტეტის თავმჯდომარემ, ეკა ბესელიამ არ მისცა.
თამაზ ახობაძის წერილი პარლამენტის სხოდმაზე „ევროპული საქართველოს" წევრმა ელენე ხოშტარიამ წაიკითხა.
რას ეხება საქმე? იხილეთ კოალიცია „დამოუკიდებელი და გამჭვირვალე მართლმსაჯულებისთვის“ - განცხადებაში:
