მიხეილ გამეზარდაშილი 55 წლის იყო. 35 წელი ტყიბულში, შახტში მუშაობდა. 16 ივლისს, დილით, მინდელის სახელობის შახტში მომხდარ შემთხვევას ემსხვერპლა. როგორც ახლობლები ამბობენ, მას სხეულზე დამწვრობა არ აღენიშნება და სავარაუდოდ, მხუთავი აირით გაიგუდა. ის დღეს დაკრძალეს. 

მიხეილ გამეზარდაშილთან ერთად, ამ დღეს, შახტში კიდევ სამი ადამიანი დაიღუპა. ისინი, ტყიბულში, გუშინ, 21 ივლისს დაკრძალეს. 

აპრილში მას ძმის შვილი, 26 წლის პავლე გამეზარდაშვილი დაეღუპა მინდელის შახტის იმავე უბანზე მომდარი შემთხვევის გამო. 

ამ დროისთვის ტყიბულის შახტები გაჩერებულია. შინაგან საქმეთა სამინისტრო საქმის დეტალებს სწავლობს. გამოძიება 240-ე მუხლითაა დაწყებული, რაც სამთო-სამშენებლო სამუშაოებისას უსაფრთხოების წესების დარღვევას გულისხმობს.  მინდელისა და ძიძიგურის შახტები "ჯი-აი-ჯი ჯგუფს" ეკუთვნის.

ამავე თემაზე: ფოტო ► შახტში დაღუპული სამი მეშახტე დღეს დაკრძალეს