თურქეთი აშშ-დან იმპორტირებულ პროდუქტზე საბაჟო ტარიფს აძვირებს. ახალი ტარიფები შეეხება ისეთ პროდუქციას, როგორებიცაა მანქანები, ალკოჰოლი და თამბაქო. ამ გადაწყვეტილებას თურქეთის ვიცე-პრეზიდენტი ფუათ ოქთაი twitter-ზე გამოეხმაურა და განაცხადა, რომ ეს არის თურქეთის პასუხი „რადგან აშშ-მა თურქეთის ეკონომიკაზე შეტევა განახორციელა“.
თურქეთმა გააორმაგა ტარიფები აშშ-დან იმპორტირებულ მანქანებზე 120%-ით, ალკოჰოლზე - 140%-ით. ტარიფის გაძვირება შეეხება ისეთ პროდუქციას, როგორიცაა: ხილი, ქვანახშირი, ბრინჯი და ქაღალდი.
______________________________
გუშინ თურქეთის პრეზიდენტის რეჯეფ თაიფ ერდოღანმა განაცხადა, რომ თურქეთი ამერიკულ ელექტრონულ პროდუქციას ბოიკოტს გამოუცხადებს.
„თუ მათ iPhone აქვთ, სხვებს აქვთ Samsung-იც, ჩვენს ქვეყანაში, მაგალითად, კიდევ არის Venus და Vestel“, - განაცხადა ერდოღანმა ამერიკული ელექტრონული პროდუქციის ბოიკოტის შესახებ.
„თუ მათ iPhone აქვთ, სხვებს აქვთ Samsung“ - თურქეთი ამერიკულ პროდუქციას ბოიკოტს გამოუცხადებს
ერდოღანმა ასევე გააფრთხილა თეთრი სახლი, რომ ყველას, ვინც მის ქვეყანასთან ეკონომიკურ ომს დაიწყებს, საფასურის გადახდა მოუწევს და ვაშინგტონის მოქმედებებს „ზურგში დანის ჩარტყმა“ უწოდა.
თურქეთსა და აშშ-ს შორის ურთიერთობა თურქეთში ამერიკელი პასტორის, ენდრიუ ბრანსონის დაპატიმრებამ გაამწვავა.
ანკარა მას ჯაშუშობასა და 2016 წლის სამხედრო გადატრიალების მცდელობის ორგანიზატორად მიჩნეულ ოპოზიციონერ ფეტულა გიულენთან კავშირში ადანაშაულებს.
ბრანსონის დაკავების პასუხად დონალდ ტრამმა გააორმაგა ტარიფები ფოლადსა და ალუმინზე, რამაც ლირის სწრაფი გაუფასურება გამოიწვია.
თურქეთის პრეზიდენტმა, რეჯეფ ტაიფ ერდოღანმა პარასკევს მოსახლეობას მოუწოდა, რომ დოლარი და ოქრო გაყიდონ და ლირა იყიდონ. მიმართვის დროს ერდოღანმა ასევე განაცხადა: „მათ აქვთ თავიანთი დოლარი, ჩვენ კი - ალაჰი“.
როგორც BBC წერს, თურქეთის შინაგან საქმეთა მინისტრის განცხადებით, სამართლებრივი მოქმედებები დაიწყება სოციალური მედიის 346 მომხმარებელთან, რომლებიც, მათი თქმით, წერდნენ ლირის გაუფასურებაზე „პროვოკაციული გზებით“.
