„ქართული ოცნების“ მხარდაჭერილი კანდიდატის სალომე ზურაბიშვილის თქმით, პიანისტ ხატია ბუნიათაშვილისადმი სამადლობელო პოსტი ხუმრობა იყო. მისი თქმით, ხატიამ თავად „გამოაკრა 48“, რაზეც პრეზიდენტობის კანდიდატმა იხუმრა.

„ხატია ბუნიათიშვილის სურათზე იყო, რაც თქვენგან ძალიან შორს არის - ხუმრობა. იმიტომ, რომ თვითონ გამოაკრა 48. ძალიან კარგად ვიცი, ვისი მომხრე არის და ვისი არ არის. ამავე დროს, გერმანულადაც ვკითხულობ, თქვენ - არა. მე მადლობა ვუთხარი, როგორც ხუმრობა. ხუმრობის უფლება აღარ მაქვს, რადგან პრეზიდენტობის კანდიდატი ვარ?“ - მიმართა „რუსთავი 2-ის“ ჟურნალისტს ზურაბიშვილმა.

პრეზიდენტობის კანდიდატმა გუშინ ტელეკომპანია ARTE-ს დოკუმენტური ფილმის „48 საათი საქართველოში“ პოსტერი გამოაქვეყნა და დაწერა „მადლობა ხატიას“. ფილმში წინანდლის მუსიკალური ფესტივალისთვის პიანისტის მზადებაა ასახული. პოსტის გამოქვეყნებიდან დაახლოებით ნახევარ საათში ზურაბიშვილმა თავისი პირადი გვერდიდან სამადლობელო პოსტი წაშალა.

სალომე ზურაბიშვილმა FACEBOOK-დან წაშალა ხატია ბუნიათიშვილისადმი მიძღვნილი სამადლობელი პოსტი