„თუ არ აინტერესებთ ჩვენი აზრი მათ შეუძლიათ, მოისმინონ ჩინჩალაძისა და მიქაუტაძის აზრები", - განუცხადა საპარლამენტო უმრავლესობის წევრმა, ლევან გოგიჩაიშვილმა ჟურნალისტებს. გოგიჩაიშვილი დიმიტრი ცქიტიშვილის განცხადებას გამოეხმაურა. მისი თქმით, უმჯობესი იქნება, განმარტონ, ვის გულისხმობენ „ამბოხებულ დეპუტატებში“.
„მე არ ვიცი, რას გულისხმობენ „ამბოხებულ დეპუტატებში“ და უმჯობესი იქნება, განმარტონ. თუ ამაში იმ ადამიანებს გულისხმობენ, ვინც ვერ ხედავს სასამართლოს მომავალს ჩინჩალაძესთან, გვრიტიშვილსა და სხვებთან ერთად, მათ შეუძლიათ მოისმინონ მეთოფიშვილისა და გვრიტიშვილის აზრები და დაეთანხმონ. ზრდასრული ხალხია, ბევრი მათგანი დიდი ხანია პოლიტიკაშია და თუ არ აინტერესებთ ჩვენი აზრი, მათ შეუძლიათ, მოისმინონ ჩინჩალაძისა და მიქაუტაძის აზრები",- განაცხადა გოგიჩაიშვილმა.
დღეს საპარლამენტო უმრავლესობის წევრმა, დიმიტრი ცქიტიშვილმა ჟურნალისტებთან განაცხადა, რომ საგაზაფხულო სესიის განმავლობაში მიიღება სწორი გადაწყვეტილება მოსამართლეების შესახებ, ხოლო ამბოხებული დეპუტატები რას იტყვიან, ეს ნაკლებად მნიშვნელოვანია.
კაჭრეთში უმრავლესობის ლიდერების სამუშაო შეხვედრა მიმდინარეობს.
ამბოხებული დეპუტატები რას იტყვიან, ნაკლებად მნიშვნელოვანია - დიმიტრი ცქიტიშვილი
