NDI-ს დაკვეთით ჩატარებული კვლევის თანახმად, შინაგან საქმეთა მინისტრის, გიორგი გახარიას საქმიანობას მოსახლეობის 47% კარგად ან ძალიან კარგად აფასებს.
შსს-ს საქმიანობის შეფასება
შეკითხვაზე - როგორ შეაფასებდით შინაგან საქმეთა სამინისტროს (გიორგი გახარიას) საქმიანობას?
6% პასუხობს: ძალიან კარგად;
41% - კარგად;
18% - ცუდად;
5% - ძალიან ცუდად;
29% - არ ვიცი;
1% - უარი პასუხზე.
გახარიასთან შედარებით, მოქალაქეები უფრო პოზიტიურად (67%) აფასებენ პოლიციის საქმიანობას.
შეკითხვაზე - როგორ შეაფასებდით საქართველოში პოლიციის საქმიანობას?
7% - ძალიან კარგად;
60% - კარგად;
18% - ცუდად;
3% - ძალიან ცუდი;
12% - არ ვიცი;
0% - არ ვიცი;
აღსანიშნავია, რომ შეკითხვაზე, ბოლო 10 წელიწადში, როგორ შეიცვალა საქართველოში კრიმინალური მდგომარეობა?
მოსახლეობის 18% პასუხობს, რომ გაუმჯობესდა;
32% პასუხობს, რომ იგივე დარჩა;
43%-ის აზრით, გაუარესდა;
7% პასუხობს - არ ვიცი
ყველაზე ხშირ დანაშაულად მოქალაქეები ნარკოტიკებთან დაკავშირებულ დანაშაულს ასახელებენ - NDI
_______________________
კვლევა ჩატარებულია NDI-ის დაკვეთით CRRC-საქართველოს მიერ. კვლევა ხორციელდება დიდი ბრიტანეთის მთავრობის UK aid-ის ფინანსური ხელშეწყობით.
კვლევის საველე სამუშაოები ჩატარდა 6-20 დეკემბრის პერიოდში, საქართველოს მასშტაბით (ოკუპირებული ტერიტორიების გამოკლებით), 2205 პირისპირ ინტერვიუს წარმომადგელობითი შერჩევის საფუძველზე.
NDI და CRRC კვლევაში იყენებს სტრატიფიცირებული და კლასტერული შერჩევის მეთოდს: ❖ სტრატიფიცირება – მოსახლეობის დაყოფა შედარებით ჰომოგენურ ჯგუფებად ❖ კლასტერინგი – თითოეული ჯგუფიდან (სტრატა) პატარა გეოგრაფიული არეალების შემთხვევითი შერჩევა ❖ შინამეურნეობის შერჩევა მოხდა შემთხვევითი შერჩევის პრინციპით ❖ რესპონდენტების შერჩევა მოხდა კიშის ცხრილის გამოყენებით ❖ არ ხდება შემთხვევით შერჩეული შინამეურნეობის ან პიროვნების ჩანაცვლება ❖ ყველა ინტერვიუ ჩატარდა პირისპირ ინტერვიუს მეთოდით, 18+ ასაკის მოსახლეობასთან, სამიდან რომელიმე ენაზე: ქართული, სომხური და აზერბაიჯანული.
