დეპუტატმა ვანო ზარდიაშვილმა განაცხადა, რომ ირაკლი კობახიძე პარლამენტარიზმის ისტორიაში ერთ-ერთი საუკეთესო თავმჯდომარეა. მისი თქმით, კობახიძის თავმჯდომარეობით პარლამენტმა დემოკრატიული და გამჭვირვალე კონსტიტუცია მიიღო.
„კობახიძე პარლამენტარიზმის ისტორიაში ერთ-ერთი საუკეთესო თავმჯდომარეა, რაც მიიღო ვენეციის კომისიის მიერ აღიარებული, ყველაზე ღირსეული, დემოკრატიული, გამჭვირვალე კონსტიტუცია. მიმაჩნია, რომ ირაკლი კობახიძე არის პატიოსანი, ღირსეული, სამშობლოს მოყვარული და კომპეტენტური ადამიანი. ხოლო ვინც ირაკლი კობახიძეს აფასებს, რომ ის არ არის კომპეტენტური, როგორც მინიმუმ, იმავე სტანდარტებს უნდა აკმაყოფილებდეს“, – განაცხადა ვანო ზარდიაშვილმა.
ასეთივე განცხადება გააკეთა დღეს „ქართული ოცნების“ ერთ-ერთმა ლიდერმა მამუკა მდინარაძემ.
