რკინიგზელთა ახალი პროფკავშირის ინფორმაციით, ,ელმავალმშენებელი ქარხნის” საბანკო ანგარიშზე, სახელფასო დავალიანებისთვის დასაფარი თანხა ინვესტორმა დარიცხა.
მათივე ცნობით, აღნიშნული ინფორმაციის დადასტურების შემდგომ, პროტესტის მონაწილე დასაქმებულებმა ქარხნის ადმინისტრაციის შენობაზე პიკეტირება მოხსნა, რათა ბუღალტერიაც მიეცეს საშუალება მუშების სახელფასო ანგარიშებზე ინდივიდუალურად გადარიცხვები დაიწყოს.
,,ჩვენმა ბრძოლამ გამოიღო შედეგი. ჩემთვის ცნობილია, რომ ქარხანას უკვე შეუძლია ის სახელფასო დავალიანება დაფაროს, რასაც ამდენი ხანია ითხოვენ აქ დასაქმებული ადამიანები. თუ ამ ხელფასების გაცემას არ მოპროფკავშირიახდენს ადმინისტრაცია უახლოეს საათებში, ეს უკვე არის ხალხის ნერვებზე თამაში და ამას პროფკავშირების მხრიდან ადეკვატური რეაქცია მოჰყვება. ასევე, მაქვს მყარი გარანტია იმასთან დაკავშირებით, რომ ახალი ინვესტორი შემოვა და არის შესაბამისი კონტრაქტები მზად იმასთან დაკავშირებით, რომ ეს ქარხანა ამუშავდება“, - განაცხადა საქართველოს პროფკავშირების გაერთიანების თავმჯდომარე ირაკლი პეტრიაშვილმა.
