აჭარის ტელევიზიის ცნობით, ბათუმის საკრებულოში სხდომაზე სასწრაფო დახმარების ბრიგადა გამოიძახეს. მათი ინფორმაციით, საკრებულოს დეპუტატი „ნაციონალური მოძრაობიდან" როინ ზოიძე ფიზიკური დაპირისპირების დროს დაშავდა.
როგორც აჭარის ტელევიზიის ვებგვერდი წერს, ფიზიკური დაპირისპირება და კამათი ბათუმში ტერენტი გრანელის ბიუსტის დადგმის საკითხის განხილვას მოჰყვა.„ერთიანი ნაციონალური მოძრაობის“ წევრმა მირდატ ქამადაძემ განათლების კომისიის თავმჯდომარეს ჰკითხა, ტერენტი გრანელი პოეტი იყო თუ პროზაიკოსი.
მოხსენების წარდგენისას კომისიის თავმჯდომარემ თქვა, რომ ქალაქში პროზაიკოსის ბიუსტის დადგმას გეგმავდნენ.
„კითხვა დავსვი, განმარტებით ბარათშიც უწერია და მოხსენების დროსაც თქვა, რომ დიდ პროზაიკოსს ვუდგამთ ბიუსტს. ვკითხე პროზაიკოსია თუ პოეტი? ან დამისახელე ერთი პროზაული ნაწარმოები-მეთქი. ამას მოჰყვა აგრესია, იმიტომ, რომ არ აქვს ინტელექტი ადამიანს და გადმოდის აგრესიაზე'' - თქვა ჟურნალისტებთან „ერთიანი ნაციონალური მოძრაობის“ წევრმა.
ფოტო: აჭარის ტელევიზია
ხიდან ხეზე აუცილებლად გადაფრინდება ჩიტი - დეპუტატი ტერენტი გრანელს ბოდიშს უხდის
