თბილისის საკრებულოს ისნის მაჟორიტარი დეპუტატის ილია ჯიშკარიანის ჯანმრთელობის მდგომარეობა, რომელიც საავადმყოფოში მიოკარდიომის მწვავე ინფარქტის დიაგნოზით მოათავსეს, ამჟამად სტაბილურად ფასდება.
როგორც კლინიკა „ჰელსიკორის“ ექიმმა, თამარ ჭიხორიამ „ინტერპრესნიუსს“ განუცხადა, ჯერჯერობით ჯიშკარიანის სამედიცინო დაწესებულებიდან გაწერა არ იგეგმება.
„დღეს შედარებით სტაბილურად არის, მაგრამ ჯერჯერობით არ ვიცით, როდის გავწერთ. ამ ეტაპზე ვაკვირდებით იმიტომ, რომ დიდი ინფარქტი იყო“, - განაცხადა ჭიხორიამ.
ცნობისთვის, „ქართული ოცნების“ დეპუტატ ილია ჯიშკარიანს მისი ბიუროს თანამშრომლის, თამთა თოდაძის მიმართ განხორციელებული სექსუალური ხასიათის სხვაგვარი ქმედებისა და ცემის ფაქტზე აღმკვეთ ღონისძიებად გირაო აქვს შეფარდებული.
