ორლანდოს გეიკლუბში მომხდარი ტერაქტის შედეგად დაღუპული ადამიანებისადმი სოლიდარობის ნიშნად თბილისში აშშ-ის საელჩოსთან ყვავილები და სანთლები მიიტანეს. საელჩოსთან შეკრებილებმა სიმბოლურად 50 სანთელი დაანთეს.
წარმოშობით ამერიკელი, 29 წლის ომარ მატეენი, გასულ ღამეს ქალაქ ორლანდოში მდებარე გეიკლუბში შეიჭრა და ცეცხლსასროლი იარაღით 50 ადამიანი მოკლა. მომხდარი ამერიკის ისტორიაში 11 სექტემბრის შემდეგ ყველაზე სისხლიან ტერაქტად შეფასდა.
