უკრაინისთვის ვიზალიბერალიზაციის მინიჭებას ევროპარლამენტის პლენარულ სხდომაზე კენჭს სავარაუდოდ 3-6 აპრილს უყრიან - ამის შესახებ ინფორმაციას „რადიო თავისუფლების" ბრიუსელის კორესპონდენტი რიკარდ იოზვიაკი ავრცელებს.
visa lib for #Ukraine will be voted in the EP plenary 3-6 April, most likely on the 5th or 6th.
— Rikard Jozwiak (@RikardJozwiak) March 9, 2017
ევროპარლამენტმა საქართველოს ვიზალიბერალიზაციას მხარი 2 თებერვალს დაუჭირა. ევროკავშირის საბჭოს ოფიციალური მხარდაჭერა საქართველოს ვიზალიბერალიზაციამ 27 თებერვალს მიიღო, რითაც საქართველოს მოქალაქეებისთვის უვიზო მიმოსვლის მინიჭების პოლიტიკური მხარდაჭერის პროცესი დასრულდა.
საქართველოსთვის უვიზო მიმოსვლის მინიჭების შესახებ გადაწყვეტილება ევროკავშირის ოფიციალურ ჟურნალში გამოქვეყნდა. პროცედურის თანახმად, ვიზალიბერალიზაცია ძალაში 20 დღეში შევა, შესაბამისად, 28 მარტს ამოქმედდება.
ბრიუსელში საქართველოსთვის უვიზო მიმოსვლის მინიჭებას ხელს ოფიციალურად 1 მარტს მოაწერეს.
