აჭარის ჯანდაცვის მინისტრ ზაალ მიქელაძის თქმით, ბათუმში დაპირისპირების შედეგად აქციიდან კლინიკებში 21 პაციენტი გადაიყვანეს. მისი განმარტებით, დაშავებულთა შორის 11 პოლიციელია, 10 კი - დემონსტრანტი.
როგორც მან „მოამბესთან" საუბრისას აღნიშნა, ყველაძე მძიმე მდგომარეობაში იმყოფება დეპუტატი ირაკლი ჭეიშვილი, რომელსაც, პირველადი კვლევით, სახის ძვლის ტრავმა აქვს მიღებული.
„ამ დროისთვის აქციიდან სულ შემოიყვანეს კლინიკებში 21 პაციენტი, რომლებიც ძირითადად 2 კლინიკაში გადანაწილდნენ. ბათუმის რესპუბლიკურ კლინიკურ საავადმყოფოში მიიყვანეს 11 პაციენტი, მათ შორის 5 პოლიციელი. 6 სხვადასხვა სახის ტრავმა იყო, დაჟეჟილობები და ჭრილობები. 2 ადამიანი გადის კვლევას. უფრო პრობლემატურია ირაკლი ჭეიშვილის მდგომარეობა, რომელსაც აქვს სახის ძვლების ტრავმა პირველადი კვლევით. კომპიუტერული ტომოგრაფიული დასკვნის შემდეგ გადაწყდება, დასჭირდება თუ არა მას ოპერაციული ჩარევა" - თქვა მიქელაძემ.
აჭარის მთავრობის თავმჯდომარემ განაცხადა, რომ შს მინისტრისგან მიღებული დაპირების თანახმად, ყველა დაკავებული მაქსიმუმ 1 საათში გათავისუფლდება.
