პარტიული სიით თბილისის საკრებულოს არჩეული დეპუტატებიდან ამჟამინდელი მონაცემებით, 4 ქალია. მათ შორის, „ქართული ოცნებიდან" 3 ქალი (მარიკა დარჩია, თინათინ ნიბლოშვილი და ანა ლაშხი) პროპორციული სიით არის არჩეული, ხოლო 6 (ნინო ლაცაბიძე, ქეთევან მამულაშვილი, რიმა ბერიძე, თამარ ტალიაშილი, ქეთევან ჯოხაძე) - მაჟორიტარული წესით.

„ერთიანი ნაციონალური მოძრაობიდან" საკრებულოს წევრად ერთი ქალი - ლილე ლიპარტელიანი აირჩიეს. „ევროპულ საქართველოსა" და „პატრიოტთა ალიანსიდან" გამსვლელ სიაში არც ერთი ქალი არ აღმოჩნდა.

„ქართული ოცნებიდან" მაჟორიტარული დეპუტატების 25-კაციანი სიიდან 6 ქალია.  

თბილისის საკრებულო სულ 50 წევრისგან შედგება. 25 პროპორციული პრინციპით აირჩევა. 25 კი -მაჟორიტარულით, ამ დროისთვის არსებული ინფორმაციით, „ქართული ოცნების“  კანდიდატებმა  25-ვე მაჟორიტარული ოლქში გაიმარჯვეს.

25 წევრის მანდატი კი პროპორციული პრინციპით ოთხ პარტიას შორის განაწილდება.

ცესკოს ამჟამინდელი მონაცემებით, „ქართულმა ოცნებამ“ ხმების 52.96% მიიღო; „ერთიანმა ნაციონალურმა მოძრაობამ“ – 17.62%; „ევროპულმა საქართველომ“  - 9.19% და „საქართველოს პატრიოტთა ალიანსმა“ – 5.64%.

„ლიბერალი" ექსპერტს თვითმმართველობის საკითხებში ირაკლი მელაშვილს ესაუბრა, რომელმაც კანონმდებლობით დადგენილი ფორმულის მიხედვით, პარტიების მიერ პროპორციულ არჩევნებში მიღებული ხმების პროცენტული მაჩვენებლის მიხედვით გამოიანგარიშა, როგორ ნაწილდება პარტიებს შორის თბილისის საკრებულოს პროპორციული მანდატების რაოდენობა.

► „ქართული ოცნება“ პარტიული სიის პირველ 15 წევრს შეიყვანს;

►„ერთიანი ნაციონალური მოძრაობა“ პარტიული სიით შეიყვანს 5 დეპუტატს; 

►„ევროპული საქართველო" - 3-ს; 

►„საქართველოს პატრიოტთა ალიანსი" - 2-ს.

ამ დროისთვის არსებული ინფორმაციით, „ქართული ოცნების“  კანდიდატებმა  25-ვე მაჟორიტარული ოლქში გაიმარჯვეს.

ახალი შემადგენლობა - გაიგეთ, ვინ შედის თბილისის საკრებულოში