არნემის „ვიტესის“ ქართველმა კაპიტანმა გურამ კაშიამ ლგბტ ადამიანების მხარდამჭერი სამკლავურით ითამაშა. ამ ფაქტს ქართველი გულშემატკივრების ნაწილისგან ნეგატიური შეფასებები მოჰყვა Facebook-ზე. კაშია nos.nl-თან ინტერვიუში ამბობს, რომ არ ნანობს, რაც გააკეთა

„მე ყოველთვის მხარს ვუჭერდი ადამიანის თავისუფლებას და ყოველთვის ძალადობის წინააღმდეგი ვარ. თუ ადამიანი სხვას არაფერს უშავებს, მე მხარს დავუჭერ. რთული ასახსნელია, მაგრამ ჩემს ქვეყანაში ზოგიერთი ადამიანისთვის ეს მიუღებელია. მხოლოდ რამდენიმე ადამიანი იყო, ვინც ჩემს Facebook-გვერდზე აზრი გამოხატა. რა თქმა უნდა, ამას დიდ ყურადღებას არ ვაქცევ. ისინი ცოტათი იმედგაცრუებული იყვნენ ჩემ გამო, თუმცა არ ვნანობ, რაც გავაკეთე, რა თქმა უნდა, ეს ჩემი პასუხისმგებლობა იყო. მე იმაზე არ ვდარდობ, თუ ვინ ხარ, რას აკეთებ შენს ცხოვრებაში, თუ სხვებს არაფერს უშავებ, შეგიძლია ის იყო, ვინც გინდა რომ იყო - ეს ჩემი ხედვაა.  რამდენიმე ადამიანი ამით იმედგაცრუებული დარჩა, მაგრამ ეს დიდ სირთულეს არ წარმოადგენს“, - ამბობს კაშია 

ინტერნეტსივრცეში გურამ კაშიას საქართველოს ნაკრებიდან გაშვება რამდენიმე ადამიანმა მოითხოვა.

„თუნდაც ათასობით ადამიანი ამის წინააღმდეგი იყოს, თუ ჩემი ეროვნული ნაკრები გამომიძახებს, მე აუცილებლად წავალ სათამაშოდ“, - ამბობს გურამ კაშიამ.