მცხეთის რაიონულმა სასამართლომ თამაზ მეჭიაურის საჩივარი დააკმაყოფილა. მოსამართლის გადაწყვეტილებით, თიანეთის მერი თამაზ მეჭიაური იქნება.
მეჭიაური თიანეთის მერობისთვის ბრძოლაში 1 ხმით იგებდა, მაგრამ ხმების გადათვლის შემდეგ გამარჯვება 4 ხმით „ქართული ოცნების“ კანდიდატს ლელა ქიტესაშვილს დარჩა. სწორედ თიანეთის მე-19 ოლქის განკარგულება ცნო ბათილად სასამართლომ. ამის შესახებ ინფორმაცია „ლიბერალს“ საიას იურისტმა და მეჭიაურის ინტერესების დამცველმა, ირმა პავლიაშვილმა მიაწოდა.
მისივე თქმით, გადაწყვეტილების გასაჩივრებისთვის მოპასუხე მხარეს ერთი დღე აქვს. თუ ხვალ დღის ბოლომდე გადაწყვეტილება არ გასაჩივრდა, თიანეთის გამგებლად თამაზ მეჭიაური იქნება არჩეული.
თამაზ მეჭიაურის ინტერესებს სასამართლოში ახალგაზრდა იურისტთა ასოციაცია დაიცავს
