„ხუდონჰესის" პროექტზე კვლევა მიმდინარეობს. ჩვენ კიდევ ერთი ინვესტორისგან ველოდებით წინადადებას. უახლოეს მომავალში გახდება ცნობილი, რა ფორმით მოხდება მისი განვითარება, - განუცხადა ენერგეტიკის მინისტრმა, ილია ელოშვილმა ჟურნალისტებს.
როგორც„ლიბერალთან“ საუბრისას „ტრანსელექტრიკა ჯორჯიას“ ტექნიკური დირექტორი, დავით მირცხულავა 2017 წლის მარტში ამბობდა, „დღესდღეობით „ხუდონჰესის“ პროექტი გაჩერებულია, 2017 წელს პროექტის განხორციელება არ დაიწყება".
აპრილში მაშინდელმა ენერგეტიკის მინისტრმა, კახა კალაძემ განაცხადა, რომ „ხუდონჰესთან“ დაკავშირებით ინვესტორ კომპანიასთან მოლაპარაკება მიმდინარეობს, რათა „პროექტი სახელმწიფომ წაიღოს“.
როგორც კალაძე ამბობდა, „ხუდონჰესი აუცილებლად უნდა აშენდეს, რადგან ის მნიშვნელოვანია როგორც ენერგეტიკული, ასევე ეკონომიკური თვალსაზრისით".
„ლიბერალთან“ საუბრისას ენერგეტიკის მინისტრის მაშინდელი მოადგილე ირაკლი ხმალაძე განმარტავდა, რომ „უფრო კომფორტული იქნება, თუ სახელმწიფო განახორციელებს ამ პროქტს. საზოგადოებასაც მეტი ნდობა და ხელმისაწვდომობა ექნება პროექტის სხვადასხვა დეტალზე“.
