მერიის წინ აუტიზმის მქონე ბავშვების მშობლები თბილისის მერთან, კახი კალაძესთან შეხვედრის მოთხოვნით აქციას მართავენ.
აქციის ერთ-ერთი ორგანიზატორის, მარი კორკოტაძის განცხადებით, კახა კალაძის მოსვლამდე აქციის მონაწილეები თბილისის მერიის შენობის წინ იდგებიან.
ორგანიზაციის განცხადებით, კახა კალაძემ ერთ-ერთი წინასაარჩევნო გამოსვლის დროს განაცხადა, რომ აუტიზმის მქონე ბავშვთა რეაბილიტაციის მუნიციპალური პროგრამის განახლებას გეგმავდა.
მშობლებს აინტერესებთ, ქალაქის განახლებულ ბიუჯეტში გაითვალისწინებს თუ არა იგი აუტიზმის მქონე ბავშვთა სარეაბილიტაციო ქვეპროგრამის ბიუჯეტის გაზრდას, რადგანაც ამ პროგრამის მომლოდინეთა სიაში 105 ბავშვი იმყოფება და დღესაც ვერ იღებს დაფინანსებას.
მერთან შეხვედრის მოთხოვნით, აუტიზმის მქონე ბავშვების მშობლები აქციას გამართავენ