„რადიო თავისუფლება“ არასამთავრობო ორგანიზაციების 1 თებერვლის წერილს პასუხობს. წერილში ნათქვამია, რომ „რადიო თავისუფლება“, როგორც ყველა მედიაორგანიზაცია, დროდადრო აფასებს ორგანიზაციის ძლიერ და სუსტ მხარეებს, რათა მაღალი სტანდარტების დაცვით იმაუწყებლოს.
როგორც წერილშია ნათქვამი, ერთთვიანი შიდა დისკუსიისა და ანალიზის შემდეგ ორგანიზაციის მიზანია, მაღალი ჟურნალისტური სტანდარტების დაცვით გაფართოვდეს და გაიზარდოს ქვეყანაში „რადიო თავისუფლების“ გავლენა, რაც პირველყოვლისა მოიცავს ციფრული მედიის მაქსიმალურად გამოყენებას.
თბილისში „რადიო თავისუფლების" ვიცე-პრეზიდენტი ჩამოდის
წერილში ნათქვამია რომ „ეხო კავკაზა“ იქნება ერთ-ერთი ინტეგრირებული ნაწილი ამ სერვისისა, ისევე, როგორც გოგი გვახარიას გადაცემა. რაც შეეხება სალომე ასათიანის პროგრამას, ნათქვამია, რომ რესურსების მოძიებისთანავე პროგრამა განახლდება.
„ჩვენ ვრჩებით დაბალანსებული, სამართლიანი, ინოვაციური ჟურნალისტიკის ერთგული და დარწმუნებული ვარ, რომ „რადიო თავისუფლებასა“ და ჩვენს ქართულ ბიუროს კვლავ ექნება თქვენი მნიშვნელოვანი მხარდაჭერა" - ნათქვამია წერილში.
