„იქ კერძო ინვესტიცია მიმდინარეობს და მე ვფიქრობ, რომ კერძო ინვესტორი და მოსახლეობა მოილაპარაკებენ", - ამის შესახებ რეგიონული განვითარებისა და ინფრასტრუქტურის მინისტრმა, ზურაბ ალავიძემ „ნენსკრა ჰესის" მშენებლობის წინააღმდეგ სვანების პროტესტთან დაკავშირებით განაცხადა. 

„იქ კერძო ინვესტიცია მიმდინარეობს და მე ვფიქრობ, რომ კერძო ინვესტორი და მოსახლეობა მოილაპარაკებენ. რა დონეზე ჩართვა დასჭირდებათ ადგილობრივების, ადგილობრივი მოსახლეობა და თვითმმართველობა ჩაერთვება, ალბათ. მოლაპარაკების საკითხი არის. დიდი ინფრასრტუქტურული პროექტი რომ მიმდინარეობს,  ყოველთვის არის პრობლემები...

ასე პირდაპირ და კარგად. მოკლედ... არის, ინტერაქციის ნაწილია და ჩართულობის ნაწილია“, - განაცხადა ალავიძემ.

სტილი დაცულია.

ჰესების წინააღმდეგ სვანების პროტესტი გრძელდება - სვანეთის თემთა შეკრების საერთო მიმართვა

4 მარტს მესტიის ცენტრში სვანეთის ყველა თემის წარმომადგენელი შეიკრიბა. ისინი ჰესების მშენებლობის შეჩერების მოთხოვნით, პროტესტს განაგრძობენ. გუშინდელ შეხვედრაზე სვანეთის თემთა შეკრებამ საერთო განაცხადიც შეიმუშავა და ყველა თემში ხელმოწერების შეგროვება დაიწყო.