დღეს, გამთენიისას, უბედური შემთხვევა მოხდა ჭიათურის შუქრუთის მაღაროზე, სადაც მაღაროს ჩამონგრევის შედეგად გვირაბგამყვანის პოზიციაზე მომუშავე 45 წლამდე ზაზა აბრამიშვილი ნანგრევების ქვეშ მოყვა და გარდაიცვალა.
მეტალურგთა, მეშახტე-მაღაროელთა და ქიმიკოსთა პროფკავშირების მიერ გავრცელებული ინფორმაციით, მაღაროელები ამბობენ, რომ უბანი რომელშიც ბრიგადა სამუშაოებს აწარმოებდა ავარიული იყო, თუმცა მაღაროს ადმინისტრაცია მუშებს მაინც ავალდებულებდა იქ მუშაობას.
მათივე ცნობით, გამოსაკვლევია ისიც, ადგილი სადაც უბედური შემთხვევა მოხდა, რატომ იყო გადაუმაგრებელი და რატომ მუშაობდა ბრიგადა ღია სამთო მასის ქვეშ. პროფკავშირებს ინფორმაცია სამთო მაშველის მონათხრობზე დაყრდნობით დარგობრივი პროფესიული კავშირის ჭიათურის პირველადი პროფკავშირული ორგანიზაციის წარმომადგენელმა მიაწოდეს.
როგორც „ლიბერალს“ საგანგებო მართვის სამსახურში განუცხადეს, შემთხვევის ადგილზე ჯერ კიდევ მიმდინარეობს სამაშველო ოპერაცია.
