თბილისის მერის, კახა კალაძის თქმით, მიწათსარგებლობის გენერალური გეგმა არ ჩავარდება, მაგრამ იმავე გუნდთან, ანუ „სითი ინსტიტუტთან“ ერთად გააგრძელებენ თუ არა მუშაობას, ეს ორშაბათს გახდება ცნობილი.
როგორც დედაქალაქის მერმა „ტვ პირველის“ ეთერში განაცხადა, მიღებული დოკუმენტი მაღალი ხარისხის იქნება.
„უამრავი შეხვედრა მიმდინარეობს „სითი ინსტიტუტის“ წარმომადგენლებთან და კარგია, რომ მათ ამაზე დღეს ისაუბრეს და თავად თქვეს, რომ არის მნიშვნელოვანი თემები, რომელსაც სჭირდება დახვეწა, კვლევები და ა. შ. თუნდაც ტრანსპორტის საკითხში თვითონვე თქვეს, რომ ქალაქს მასტერპლანი არ გააჩნია, ანუ ტრანსპორტის განვითარების გრძელვადიანი გეგმა. შესაბამისად, ჩვენ მიწათსარგებლობის გენერალურ გეგმაში რაც არის მოცემული, რომ კარგი იქნებოდა ქალაქის განივი განვითარება, რკინიგზის გადატანა, ხიდების გაკეთება, შეუძლებელია ამ ყველაფრის განხორციელება, თუ კვლევები არ ჩატარდება. ამიტომ ვამბობთ, რომ არის ხარვეზები, რომელიც გამოსასწორებელია“,- განაცხადა კახა კალაძემ.
მამუკა სალუქვაძე: ძალიან საქმიანი შეკითხვები იყო, ვფიქრობ, მერია გენგეგმას მიიღებს
