უნივერსიტეტის მაღლივი კორპუსისა პეკინის ქუჩის დამაკავშირებელი ველობილიკის ტენდერი ჩავარდა, რადგან მასში მონაწილეობის სურვილი არცერთ კომპანიას არ გამოუთქვამს.
სატენდერო პირობების თანახმად, ველობილიკი უნივერსიტეტის მაღლივი კორპუსიდან უნდა დაწყებულიყო, გაევლო სანდრო ეულის ქუჩა, ვაჟა-ფშაველას გამზირი, მარიჯანისა და ქავთარაძის ქუჩები, ალექსანდრე ყაზბეგის გამზირი და პეკინის ქუჩაზე დამთავრებულიყო, სადაც არსებულ ველობილიკს უნდა მიერთებოდა.
საპროექტო ველობილიკის სავარაუდო სიგრძე 5100 მ იყო, ხოლო სიგანე ერთი მიმართულებით - 1,5 მ. ორივე მიმართულებით კი ველობილიკის საერთო სიგანე - 3 მ.
წინადადებების მიღება 2-დან 5 მარტამდე გრძელდებოდა. შესყიდვის სავარაუდო ღირებულება 31 860 ლარი იყო.