„ლიბერალის“ კორესპონდენტის ცნობით, აქტივისტი დიმიტრი ლორთქიფანიძემ სასამართლო პროცესზე „აიისას“ ადვოკატს და საქართველოს დემოკრატიული ინიციატივის (GDI) ხელმძღვანელს, გიორგი მშვენიერაძეს სიტყვიერი შეურაცხყოფა მიაყენა. „საკუთარი დედა გამოხატე პრეზერვატივზე, წმინდანებს რომ გვიგინებენ, ვერ ვიქნებით მშვიდად“, - მიმართა ლორთქიფანიძემ გიორგი მშვენიერაძეს. მოსამართლემ ლორთქიფანიძეს შენიშვნა მისცა, მაგრამ დარბაზის დატოვება არ მოსთხოვა.
თბილისის საქალაქო სასამართლო ამ წუთებში განიხილავს სარჩელს - შეურაცხყოფს თუ არა პრეზერვატივ „აიისას“ შეფუთვა მართლმადიდებელ ეკლესიას და არის თუ არა რეკლამა არაეთიკური. „ქართული იდეის“ განცხადების საფუძველზე მერიამ სარჩელი სასამართლოში ორ სხვადასხვა შეფუთვაზე შეიტანა. ერთზე თამარ მეფეა გამოსახული, მეორეზე კი - ორ თითზე წამოცმული პრეზერვატივი.
