.jpg)
ნარკოპოლიტიკაზე მომუშავე სამედიცინო და საუნივერსიტეტო სფეროს წარმომადგენლები პარლამენტში გასულ კვირას ნარკოპოლიტიკაზე გამართულ შეხვედრას ეხმაურებიან და აღნიშნავენ, რომ მომხსენებელმა გიორგი კანდელაკმა [ექიმი-ინფექციონისტი] აუდიტორიას პორტუგალიასა და ჩეხეთში დეკრიმინალიზაციის შემდგომი მონაცემები შერჩევით, უხეში მანიპულირებისა და ტენდენციური ინტერპრეტაციით მიაწოდა.
„საქართველოს ნარკოპოლიტიკის რეფორმაზე მომუშავე ადამიანებისთვის დაუშვებელია საზოგადოების დეზინფორმირება და სხვა ქვეყნებში განხორციელებული რეფორმის დისკრედიტაცია, რაც მიზნად ისახავს საქართველოში მოქმედი რეპრესიული ნარკოპოლიტიკის გამართლებას და მისი შეცვლის აუცილებლობის ეჭვქვეშ დაყენებას", - ნათქვამია განცხადებაში.
სამედიცინო და საუნივერსიტეტო სფეროს წარმომადგენლები ამბობენ, რომ ამგვარი მანიპულატორული მიდგომა მიუღებელია და გიორგი კანდელაკს პასუხი წერილობით გასცეს. საკითხზე ხვალ საგანგებო ბრიფინგიც გაიმართება.
2018 წლის 28 აპრილს პარლამენტში შედგა ნარკოპოლიტიკასთან დაკავშირებით შეხვედრა, რომელზეც მომხსენებელმა, გიორგი კანდელაკმა გამართა პრეზენტაცია „ნარკოდეკრიმინალიზაცია - ლამაზი მითი და სავალალო რეალობა”.
„ავტორმა სოციალური ქსელის მეშვეობით გაავრცელა ანალიტიკური ნაშრომი „ნარკოდეკრიმინალიზაციის შედეგების ანალიზი პორტუგალიისა და ჩეხეთის მაგალითზე". ორივე შემთხვევაში ავტორი ეყრდნობა ევროპის ნარკოტიკებისა და წამალდამოკიდებულების ცენტრის (EMCDDA) მონაცემებს და ცდილობს, დაამტკიცოს, თუ როგორი ნეგატიური შედეგები მოიტანა ნარკოპოლიტიკის რეფორმამ პორტუგალიის 2001 წლის და ჩეხეთის 2010 წლის დეკრიმინალიზაციის შემდგომ პერიოდში. სამწუხაროდ, უნდა აღვნიშნოთ, რომ ავტორი მონაცემებით უხეშად მანიპულირებს და აუდიტორიას აწვდის, შერჩევითად, მონაცემთა მხოლოდ იმ ფრაგმენტებს, რომლებიც მის პოზიციას/შეხედულებას ასაბუთებს. ავტორი ასევე მიმართავს მონაცემთა ცალმხრივ და ტენდენციურ ინტერპრეტაციას, დინამიკის გათვალისწინების გარეშე. სამედიცინო და საუნივერსიტეტო სფეროს წარმომადგენლის მხრიდან ამგვარი მანიპულატორული მიდგომა მიუღებლად მიგვაჩნია", - აცხადებენ დარგის სპეციალისტები.
„ლიბერალი" უცვლელად გთავაზობთ სამეცნიერო წრეების არგუმენტებს:
