„გირჩის" ლიდერის, ზურა ჯაფარიძის თქმით, სააპელაციო სასამართლოს მოსამართლემ, ლევან მურუსიძემ ძალაში დატოვა სასამართლოს პირველი ინსტანციის გადაწყვეტილება მისი 2000 ლარით დაჯარიმების შესახებ.
ჯაფარიძე Facebook პოსტში წერს:
„მურუსიძემ ძალაში დატოვა პირველი ინსტანციის გადაწყვეტილება, რომელიც ეფუძნება მხოლოდ პოლიციელების ცრუ ჩვენებას - თითქოს მე ვაგინე და ვეჭიდავე პოლიციელებს - და დამაკისრა 2,000 ადმინისტრაციული ჯარიმის გადახდა
შემდეგი გაჩერება - სტრასბურგი
პროკურატურაში შეტანილი მაქვს საჩივარი იმ პოლიციელების წინააღმდეგ, რომლებმაც სასამართლოზე მისცეს ცრუ ჩვენებები
ჯერჯერობით დუმილია
არ გადავიხდი!“
3 მაისს თბილისის საქალაქო სასამართლოში „გირჩის" წევრების საქმეზე სასამართლო პროცესი გაიმართა.
სასამართლომ ზურაბ ჯაფარიძეს წვრილმანი ხულიგნობისა და პოლიციელებისადმი დაუმორჩილებლობისთვის 2000-ლარიანი ჯარიმა დააკისრა.
